Përditësuar më: 13 nëntor 2026
Hunting Shop BUCK është dyqan gjuetie në Vushtrri, Kosovë, që shet armë gjuetie, municion, optikë, veshmbathje dhe aksesorë, dhe është distributor i autorizuar i Benelli dhe Franchi për Kosovë. Më poshtë gjeni përgjigje për pyetjet që na bëhen më shpesh.
Blerja e armëve dhe municionit
A mund të blej armë ose municion online?
Jo. Armët, municioni, karikatorët dhe pjesët kryesore të armëve (p.sh. tytat dhe këmbëzat) shiten vetëm në dyqanin tonë në Vushtrri, për persona mbi 21 vjeç me pëlqim ose leje valide për armë. Në faqe mund t’i shikoni modelet, çmimet dhe gjendjen në stok, pastaj na vizitoni ose na telefononi për t’i rezervuar.
Çka më duhet për të blerë një armë gjuetie?
Duhet të keni 21 vjeç, të jeni gjahtar i certifikuar në një shoqatë të gjahtarëve, të keni kaluar provimin për përdorimin e armës dhe të keni pëlqimin për blerje nga Ministria e Punëve të Brendshme. Të gjitha hapat i gjeni te udhëzuesi ynë për lejen e armës së gjuetisë.
A më ndihmoni me procedurën e lejes?
Po. Ju sqarojmë cilat dokumente kërkohen dhe ku dorëzohen, ju ndihmojmë me anëtarësimin në Shoqatën e Gjahtarëve „Qyqavica” dhe me formularët, dhe ju këshillojmë për armën dhe kalibrin e duhur. Ky shërbim është falas.
A shisni armë për persona nën 21 vjeç?
Jo. Sipas Ligjit për Armë, pëlqimi për blerjen e armës së zjarrit u jepet vetëm personave që kanë mbushur 21 vjeç.
A ofroni garancion për armët?
Po. Si distributor i autorizuar i Benelli dhe Franchi për Kosovë, armët e këtyre markave vijnë me garancionin zyrtar të prodhuesit, servis të autorizuar dhe pjesë origjinale. Kohëzgjatja e garancionit:
| Marka | Garancioni |
|---|---|
| Benelli – modelet BE.S.T. | 25 vjet |
| Benelli – modelet e tjera | 10 vjet |
| Franchi | 7 vjet |
| Beretta | 7 vjet |
Porositë online, pagesa dhe transporti
Çka mund të porosis online?
Online mund të porosisni veshmbathje gjuetie, optikë dhe pajisje optike, kapëse, çanta, thika, pastrues dhe aksesorë të tjerë. Pjesët kryesore të armëve, si tytat dhe këmbëzat, shiten vetëm në dyqan.
Si mund të paguaj?
Porositë online paguhen me para në dorë kur e pranoni produktin. Në dyqan mund të paguani me para në dorë, me kartelë ose me transfer bankar.
Sa kushton transporti dhe ku dërgoni?
| Destinacioni | Çmimi i transportit | Koha e dërgesës |
|---|---|---|
| Kosovë | 2 € | 24–48 orë |
| Shqipëri dhe Maqedoni e Veriut | 5 € | 3–5 ditë |
Transporti vlen vetëm për produktet që lejohen të dërgohen (veshje, optikë, aksesorë). Armët dhe municioni nuk dërgohen me postë.
A mund ta kthej ose ndërroj produktin?
Armët dhe municioni nuk mund të kthehen. Për produktet e tjera na kontaktoni: nëse gabimi është nga ana jonë (p.sh. ju kemi dërguar produkt të gabuar), transportin e kthimit e paguajmë ne.
Shërbimet në dyqan
A ma montoni optikën në armë?
Po. Në dyqan montojmë optika, red dot dhe kapëse në armën tuaj dhe bëjmë kalibrimin fillestar me laser (bore sighting), që të jeni të saktë që në të shtënën e parë në terren. Nëse optikën e blini te ne, montimi dhe kalibrimi janë falas.
A më ndihmoni të zgjedh armën dhe kalibrin?
Po. Na tregoni çfarë gjuani dhe ku – derr i egër, kaprroll, lepur apo shpendë – dhe ju këshillojmë për armën, municionin, optikën dhe veshjet e duhura për terrenin dhe sezonin.
Dyqani dhe kontakti
Ku ndodheni dhe cili është orari?
Jemi në Rr. Fatime Hetemi, Vushtrri (tek Parku i Qytetit). Orari: e hënë–e premte 09:00–20:00, e shtunë 09:00–19:45. Të dielën jemi të mbyllur. Hapeni në Google Maps.
Si mund t’ju kontaktoj?
Na telefononi në +383 48 999 249, na shkruani në WhatsApp ose në email huntingshop.buck@gmail.com. Mund të na ndiqni edhe në Facebook dhe Instagram.
A mund ta kontrolloj nëse një produkt është në stok?
Po. Gjendja në stok shfaqet në faqen e çdo produkti. Armët që nuk janë në stok mund t’i porosisim për ju me kërkesë – na telefononi ose na shkruani në WhatsApp.